miércoles, 19 de diciembre de 2018
SAN SIVESTRE 2018
Outra das actividades programadas para desenvolver neste Nadal : A carreira San Silvestre chegou á VII edición , coa participación de toda a comunidade educativa .
martes, 6 de noviembre de 2018
Excursión a Lugo
O alumnado de 6º visitou hoxe a capital da provincia ; alí aprenderon nas instalacións do Progreso . Estiveron moi atentos descubrindo como é a rotativa, o seu funcionamento e unha chea de curiosidades.
Máis tarde puideron dar un breve paseo polo casco histórico da cidade e remataron a excursión en Outeiro de Rei , na casa-museo de Manuel María , onde tocou aprender e lembrar un pouco máis da vida e obra do poeta da Terra Cha.
Máis tarde puideron dar un breve paseo polo casco histórico da cidade e remataron a excursión en Outeiro de Rei , na casa-museo de Manuel María , onde tocou aprender e lembrar un pouco máis da vida e obra do poeta da Terra Cha.
lunes, 1 de octubre de 2018
Novo curso, novas actividades
Na busca dunha educación integral , tratamos de ofrecer ao noso alumnado un nutrido grupo de actividades complementarias e extraescolares que inciden directa ou indirectamente no currículo e que axudan a configurar cidadáns e cidadás do futuro .
A nosa primeira actividade foi a visita á exposición Vivemar , que se desenvolveu en tres espazos diferenciados do noso Concello e achegou ao noso alumnado ao mundo do mar:
Artes de pesca, na que viron de cerca e moi ben explicadas as diferentes artes pesqueiras ;
Exposición fotográfica que mostraba diferentes lugares de Viveiro mirando a ese Cantábrico que nos baña e dá vida . En esta mostra de fotografías apreciamos a evolución dun pobo e comprobamos como o ser humano modifica a paisaxe.
Por último, visitamos unha exposición de maquetas de barcos , na que nos explicaron unha chea de curiosidades e datos técnicos sobre os diferentes tipos de embarcacións, usos e outros detalles.
lunes, 18 de junio de 2018
MERCADO ECOLÓXICO 2018
Cada curso, o mercado ecolóxico cobra vida no noso Centro e aparece como produto final dunha serie de tarefas e actividades que se levan a cabo ao longo do curso : traballos no horto, reciclaxe , alimentación saudable, coidado do medio e recreación da nosa tradición.
O mercado desenvolve a súa actividade en diferentes postos que amosan produtos do horto, artesanía, milagres da natureza ( o mel , o pan , o aceite) , obradorios de maquillaxe, marcapáxinas, cociña caseira, o liño(desde o cultivo a súa transformación ).
Unha chea de aprendizaxes na que os alumnos e alumnas desenvolven as competencias clave nun ambiente lúdico , no que ademais expresan a súa creatividade e expresión cultural interpretando , coa música e a danza, varias pezas tradicionais de Galicia.
Mestres e alumnos animan o mercado :
O mercado desenvolve a súa actividade en diferentes postos que amosan produtos do horto, artesanía, milagres da natureza ( o mel , o pan , o aceite) , obradorios de maquillaxe, marcapáxinas, cociña caseira, o liño(desde o cultivo a súa transformación ).
Unha chea de aprendizaxes na que os alumnos e alumnas desenvolven as competencias clave nun ambiente lúdico , no que ademais expresan a súa creatividade e expresión cultural interpretando , coa música e a danza, varias pezas tradicionais de Galicia.
Mestres e alumnos animan o mercado :
viernes, 8 de junio de 2018
Educando con Malibú
Participamos dunha xornada de concienciación e sensibilización sobre a importancia de coidar as mascotas e a necesidade de adoptar.
miércoles, 6 de junio de 2018
jueves, 10 de mayo de 2018
De excursión por Chavín
O alumnado de 6º dedicou hoxe unha parte da mañá á observación directa da flora da contorna , visitando Chavín ( nos arredores de Viveiro) . Alí , da man das súas titoras e de Carlos Nuevo Cal , puideron ver e aprender un pouco máis sobre árbores, follas, herbas, o eucaliptal das árbores máis altas de Europa e outras curiosidades da natureza e descubrir o funcionamento da antiga central de Hidrofersa . Axudáronse da guía de campo elaborada no Colexio sobre árbores autóctonas .
miércoles, 9 de mayo de 2018
CAMIÑO DE SANTIAGO
Convivencia entre pais, nais, mestres, mestras e nenos e nenas. Unha ocasión para compartir . Bo camiño!
Símbolos , igrexas, pallozas, mosteiro, muíños , casas ....( pincha no álbum)
ÁLBUM ARQUITECTURA NO CAMIÑO
Camiñamos en dúas etapas : pola mañá, desde Triacastela a Samos e , pola tarde , desde Liñares ao Cebreiro . Sempre acompañados dunha natureza viva ,con árbores , ríos, montaña ,...
martes, 8 de mayo de 2018
Encontro con Ramón Blanco
Na súa breve estancia en Viveiro, visitounos o mestre dos sete cumes , D. Ramón Blanco . O seu maxisterio de vida deberá servir para que os nosos alumnos e alumnas manteñan sempre vivos os valores da ilusión , a perseverancia, o esforzo, a constancia,.. . Animounos á lectura ,contestou ás súas preguntas e curiosidades e fixo sencillas reflexións cheas de sabiduría . Recollemos dúas destas reflexións e con elas fixemos unha pegatina que levaron todos os nenos e nenas en recordo desta importante visita.
" Vive el momento, lo demás es cuento" " Si lo intentas, haces más de lo que piensas "
martes, 24 de abril de 2018
miércoles, 18 de abril de 2018
Plantacións primaverais
O noso horto está recuperando o seu verdor ; os nenos máis pequenos foron os encargados de plantar amorodos que se comprometen a coidar con esmero.
viernes, 23 de marzo de 2018
Día da árbore e a auga
Neste día no que resaltamos de maneira especial a importancia das árbores e a auga como elementos básicos e imprescindibles da natureza , foron varias as actividades levadas a cabo no noso Colexio :
- Plantación de salgueiros e tuyas no noso patio , para enriquecer este entorno educativo do que podemos disfrutar cada día .
Fixérono os alumnos e alumnas de 1º e 2º nivel.
- Busca no patio dos pradairos , localización e sinalización con carteis ; tamén se encargaron oas nenos e nenas de 1º e 2º .
- O alumnado de 5º estivo na Biblioteca elaborando unha árbore de libros , cunha parte dos exemplares chegados ao Centro por xentileza da Deputación e antes de que pasaran ás aulas e as casas onde van ser lidos polos alumnos , mestres e familias.
- Hai outras dúas actividades que están en proceso debido á falta de tempo e que son :
- Gincana polo patio para recoñecer e observar as diferentes especies árbóreas
- Elaboración dunha guía de campo sobre as árbores autóctonas de Galicia , coa participación de todo o alumnado.
Mellorando o entorno ( pica na lenda) |
miércoles, 21 de marzo de 2018
Alumnado de 6º, de excursión en A Coruña
O alumnado de sexto estivo de excursión visitando o MUNCYT, castelo de San Antón e Monte de San Pedro . Aprender nas visitas a estes espazos é outra fórmula que contribúe á difusión da ciencia e do patrimonio científico e cultural .
Para o recordo quedan estas imaxes
martes, 13 de marzo de 2018
Nenos e nenas de Primeiro e Segundo ,de excursión .
Todo o alumnado de Primeiro e Segundo visitaron o heliporto de Celeiro e disfrutaron dunha xornada ao aire libre , na que conviviron, compartiron e aprenderon .
viernes, 9 de febrero de 2018
ENTROIDO 2018
Chegou Don Entroido e con el a festa . Recreamos diferentes oficios tradicionais , en consonancia co PDI do presente curso . Transformámonos en labregos, gandeiros, mariñeiros, ferreiros, costureiras e panadeiros.
Degustamos unha chocolatada con diferentes doces propios da época e , con moita enerxía, fixemos un desfile , acompañado por música e danzas .
Entroido 2018 on
PhotoPeach
Pica se queres ver o álbum
PhotoPeach
Pica se queres ver o álbum
Se te queres divertir Alumnos de Sexto Entroido 2018 from Bibliolois on Vimeo.
jueves, 8 de febrero de 2018
Visita ao super
Continuando e afondando na busca do coidado da saúde e do medio , hoxe tivemos unha nova xornada na que o alumnado de 5º participou , convidados por Eroski,no programa Coñece o teu super .
Dentro da aula , Eva encargouse de darnos boísimas explicacións que , xunto cunha adecuada proxección audiovisual ,de seguro nos servirán para mellorar as nosas prácticas con respecto ao coidado na alimentación e a unha boa contribución na reciclaxe dentro e fóra do fogar.
Despois fixemos a visita ao super , as súas seccións, aprendemos como se protexen os traballadores con máis riscos e a importancia de escoller os produtos de calidade que precisamos para a nosa alimentación .
Rematamos cunha merendola exquisita e preparada con moito agarimo e creatividade, tampouco faltaron os xogos para recoñecer froitas e verduras a través de diferentes sentidos e fixéronnos un agasallo.
Visita o super on PhotoPeach
viernes, 19 de enero de 2018
Suscribirse a:
Entradas (Atom)