O sabor da aventura está no mar

De novo os arroases visitaron o noso Colexio . Dá gusto aprender con eles , descubrir a importancia do mar e dos seus produtos.

Primeira semana de reparto de froita no curso 2014- 2015

No curso actual comezou o reparto de froita nesta semana . O alumnado disfruta desta actividade por cuarto ano consecutivo e , cada vez, amosa máis interese . Como novidade presentamos o noso carro de reciclaxe . O carro percorre o patio durante o recreo e o alumnado deposita os restos de froita que logo irán parar ao compostador . Ao mesmo tempo emprégase para facer campaña a favor dun Colexio limpo, do coidado do medio , dunha boa alimentación e outros hábitos saudables .

O sabor da aventura está no mar

Este programa levou ao alumnado do 1º ciclo á veciña localidade de Burela . Aquí tiveron ocasión de visitar a cofradía, o barco-museo e a lonxa . Tamén disfrutaron dunha estupenda comida a base de peixe, un produto moi saudable e moi noso .

Calendario Reparto de froita

O almunnado de 6º foi o encargado de elaborar un calendario anunciador da primeira semana de reparto de froita neste curso. Fixeron un pequeno traballo de búsqueda de documentación e atoparon moitas curiosidades das froitas que imos comer. Hoxe , repartidos en grupos, compartiron co resto de compañeiros do Colexio o seu cartel , explicando ademais toda a información que nel aparece.Ademais entregaron a todos os nen@s un mini- calendario para levar a súa casa e comentar en familia estas aprendizaxes.