1- Semana da auga e da árbore
A nosa carreta recicladora visteuse para a campaña de sensibilización do coidado das árbores e do bo uso da auga . Durante o recreo , alumn@s de 5º recorreron o patio , con anuncios alusivos ao consumo da auga e as virtudes das árbores. Tamén mostraban o cartel que nos mandou a Diputación de Lugo , xunto cun fermoso agasallo en forma de libros " DAMA DE AUGA " .
Na vindeira semana , colocaremos un inmenso mural , no que participan todas as titorías, e que vai amosar un bosque de árbores ( con fermosas mensaxes) e a chuvia caendo sobre el e formada por grandes pingas de auga , tamén con mensaxes, consellos, poemas , etc...
Por outra banda , colocaranse os libros formando unha gota xigante ata que chegue o momento de que este agasallo sexa recollido por cada alumn@ para levar para a casa.
2- Xornada de xogos populares
Na última semana do trimestre , como vén sendo habitual , celebraremos a VII edición dos Xogos Populares , e os nenos e nenas xa están practicando e poñendo a punto as súas habilidades para pasalo en grande .
